Comóradh Náisiúnta an Ghorta Mhóir

Is deis í Comóradh Náisiúnta an Ghorta Mhóir don Stát agus do phobail ar fud na hÉireann urraim a dhéanamh do chuimhne iad siúd a d’fhulaing an bás nó an eisimirce mar gheall ar an imeacht ollmhór seo inár stair.

Ó cuireadh tús leis in 2008, reáchtáladh Comóradh Náisiúnta an Ghorta Mhóir i ngach cúige ar bhonn uainíochta ar dheireadh seachtaine an tríú Domhnaigh i mí na Bealtaine. Ó cuireadh tús leis in 2008, reáchtáladh Comóradh Náisiúnta an Ghorta Mhóir i ngach cúige ar bhonn uainíochta ar dheireadh seachtaine an tríú Domhnaigh i mí na Bealtaine.

Déantar cinneadh faoi shocruithe reáchtáil an Chomóraidh Stáit seo gach bliain i ndiaidh dul i gcomhairle leis an údarás áitiúil agus an pobal óstála ábhartha. Mar pháirt den chomóradh, atá ar oscailt don phobal, tá onóracha míleata, searmanas bláthfhleisce, agus clár áitiúil imeachtaí cultúrtha roimh an imeacht a dhéanann machnamh ar mhórthéamaí an Ghorta le béim ar leith ar thionchar an Ghorta Mhóir ar an tírdhreach agus an mhuintir áitiúil. Chomh maith leis an fhreastal phoiblí, bíonn aíonna, taidhleoirí agus daoine mór le rá i láthair ag an imeacht.

Tharla an chéad Chomóradh Náisiúnta ag an chéad chruinniú den Choiste Chomóradh an Ghorta Mhóir i dTeach an Chustaim, Baile Átha Cliath in 2008. In 2009, reáchtáladh an chéad chomóradh a raibh ionchur áitiúil agus searmanas foirmeálta Stáit mar pháirt dó sa Sciobairín, Corcaigh. Liostáiltear suíomhanna agus sonraí gach Comóradh Náisiúnta an Ghorta Mhóir thíos.

Comóradh Idirnáisiúnta an Ghorta Mhóir